Një 23-vjeçar me iniciale E.M. është arrestuar nga policia e Elbasanit për shpërndarje të lëndëve narkotike në doza të vogla. Ndërkohë është shpallur në kërkim bashkëpunëtori i tij D. B., 28 vjeç, banues në fshatin Valas, Elbasan.
Këta shtetas janë konstatuar nga policia, në pyllin e fshatit Tregan, duke qarkulluar më një motoçikletë pa targë, që drejtohej pa leje drejtimi nga shtetasi E. M. Gjatë kontrollit fizik, iu gjetën dhe sekuestruan në cilësinë e provës materiale 18 doza me lëndë narkotike cannabis sativa.
Gjithashtu, gjatë kontrollit në banesën e D. B. u gjet një sasi municioni luftarak, ndërsa vijon puna për lokalizimin dhe arrestimin e tij.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
