Kryeministri i Maqedonisë së Veriut, Zoran Zaev, në Forumin Strategjikë të BE-së e cila po zhvillohet në Bled të Sllovenisë, u shpreh se pavarësisht zvarritjes së procesit, vendi jonë nuk ka zgjidhje tjetër përveç Bashkimit Europian.
“Ne jemi në zemër të BE-së, si një ishull në brendësi. Në fakt nuk është e lehtë të jesh kandidate për 16.5 vite, Maqedonia është vendi që ka pritur me kohën më të gjatë për hapin tjetër. Por ende nuk është çelur konferenca e parë ndërqeveritare për të vijuar me proceset e tjera.
Por për ne nuk ka asnjë alternativë tjetër përveç asaj të BE-së. Ne nuk kemi familje tjetër, kjo është familja jonë. Me Ballkanin e Hapur po shfrytëzojmë këtë kohë për të përmirësuar jetën e qytetarëve tanë. Nuk e dimë që për 7 apo 10 vite do të hidhet hapi tjetër”- tha Zaev
