Një ngjarje e rëndë është shënuar në fshatin Suk 1 të Roskovecit, ku 48-vjeçari, Florenc Cjapi i ka dhënë fund jetës. Burimet tregojnë se Cjapi ka qenë brenda në banesë ndërsa është vetqëlluar me armë zjarri. Policia sqaroi se 48-vjeçari ka qenë në kushte depresioni dhe ngarkesë të rëndë psikologjike për shkak të borxheve që viktima kishte në momentin kur ka kryer aktin vetëflijues.
Në lidhje me ngjarjen ka reaguar deputeti i zgjedhur i Partisë Demokratike, Enkeled Alibeaj, i cili thotë se kjo vjen si shkak i braktisjes së fermerëve dhe mungesës së ndihmës nga shteti. Ai e quan këtë një fatkeqësi dhe një këmbanë alarmi për situatën në të cilën ndodhet sot ekonomia dhe bujqësia shqiptare.
