I ftuar në emisionin “Opinion”, kryeministri Edi Rama ka komentuar mbrëmjen e sotme largimet e politikanëve të njëpasnjëshëm në parti.
Rama, në emision, u pyet nga gazetarët nëse ka pasur komunikim me ish kreun e Kuvendit Gramoz Ruçi në lidhje me vendimin e tij. Ai nuk e mohoi këtë gjë duke thënë se ai është një dokument shumë i rëndësishëm në historinë e politikës shqiptare dhe se ai vetë i kishte thënë që donte të fokusohej më tepër tek familja.
“Gramoz Ruci ka bërë një fjalim që është një dokument shumë i rëndësishëm në historinë e poilitikës shqiptar. Për një arsye të thjesht sepse Ruci është i pari në historinë e politikës shqiptare që largohet si fitues dhe largohet nga maja.
Nuk ka patur asnjë arsye tjetër. Kemi folur dhe më tha “unë këtu ndalem se pse unë jam 70 vjec se është koha që t’i kthej borxhin familjes time”, tha Rama.
Ndërsa përsa i përket dorëheqjes së Erion Braçes dhe Lefter Kokës, Rama u shpreh:
“Kemi folur paraprkisht dhe me shumë sinqeritet dhe modesti më ka thënë se unë nuk jam barra e askujt dhe jam në dispozoicion si deputet dhe mos ki asnjë shqetësim për mua.”
Gjithashtu u pyet për largimin e deputetit Lefter Koka ku tha se arsyeja është ajo që vetë Koka ka shkruar në rrjetet sociale.
“Ciklet nuk mbarojnë sipas sezoneve të emisonit opinion. Votat i ka marrë PS dhe është një numër i ckatuar vendesh nëse dikush për çdo arsye dëshiron të largohet”- u shpreh Rama.
