Ish-ministri i Drejtësisë, Ylli Manjani i është shtuar listës së politikanëvë që kanë reaguar lidhur emrat e kabinetit “Rama 3”.
Në një postim në Facebook, Manjani ironizon duke e quajtur qeverinë e re “Kabineti i Sipropykave, duke anatemuar ministren Elisa Spiropali dhe duke shtuar se ky është modeli që i sjell “rehatllëk udhqëheqësit”.
“Spiropalizimi është sjellja publike e preferuar që i sjell rehatllëk udhëheqësit. Modeli i kabinetit qeverisës quhet i Spiropalizuar. Të kuptohemi, këto terma nuk janë përkufizime për inteligjencën personale të personave që përzgjidhen ministra, as për zonjë Elisë në vetvete, por sjellja publike dhe politike e tyre duhet të ketë e Spiropalizuar.
Pra nëse pranon të flasësh kodra pas bregut; të thuash pas çdo ngjarje se “për këtë bëhen filma”; të lehësh në media e rrjete sociale tekst të shkruar nga bosi; të bësh xhadën kur të kërkohet; të bësh zhurmë kur llafosesh vetë ose dikush tjetër; të firmosësh e të marrësh vendime pa menduar; të marrësh vendime pa bërë mbledhje, diskutime mbi temën jo e jo, plotëson kriterin për të qenë i Spiropalizuar. Për pasojë për t’u emëruar ministër”.
Sipas tij kabineti i ri është i përbërë nga personalitete qe flasin e sillen njësoj, duke i konsideruar si “tufë pulash që nuk meritojnë as ti thërrasësh paraprakrakisht për ti propozuar detyrën”.
“Kabineti që u shpall dje është totalisht i tillë, i Spiropalizuar pra. Një listë me emra të rinj e të vjetër që sillen, flasin e gjestikulojnë njësoj. Ata të gjithë bëjnë prova para pasqyrave të imitojnë Bosin kur flasin në publik. Por u duhet të flasin me fjalë të thjeshta, të Spiropalizuara dmth.
Një tufë pulash që kërcënohen nga tufa e grerëzave që i akomodoi në kryesi dhe forumet e PS dje… Një tufë pulash që nuk meritojnë as ti thërrasësh paraprakrakisht për ti propozuar detyrën…”, shprehet Manjani.
Ditën e djeshme u mbajt Asambleja e PS, ku kryeministri Rama prezantoi emrat e mandatit të tretë, ndërsa nuk munguan ndryshimet as në Sekretariate apo në Drejtoritë e qarqeve.
