Futbollisti me origjinë shqiptare Giacomo Vrioni ka folur së fundmi në lidhje me marrëdhënien e tij me Cristiano Ronaldon nga koha kur të dy luanin për Juventus.
Në një intervistë për ‘Tuttosport’ 23-vjeçari ka thënë se portugezi i ka treguar atij një sekret që do e mbajë gjithmonë në zemër.
“Unë takova një kampion. Cristiano një herë më mori mënjanë dhe më tha diçka shumë të bukur. Unë e mbaj atë në zemrën time, si një sekret. Unë nuk e them kështu për të thënë. Unë kurrë nuk ia kam thënë askujt, madje as miqve të mi më të ngushtë, dhe kurrë nuk do ta them”.- theksoi lojtari.
Ndërsa më tej ka folur edhe për kalimin me huazim nga Juventus te WSG Tirol, ku thekson se ka gjetur një ambient shumë familjar.
“Të provosh një përvojë në një kampionat të huaj ka qenë gjithmonë një ëndërr e imja. Gjeta një mjedis të mirë një ekip i shkëlqyer dhe një klub super i organizuar”. – u shpreh Vrioni./Gijotina.com
