Kryeministri Edi Rama dhe kryebashkiaku Erion Veliaj janë nisur drejt Italisë për të marrë pjesës në edicionin e XIII të Festivalit të Gazetarëve të Mesdheut, i cili po zhvillohet në Otranto të Italisë.
Ky festival do të shërbejë, ndër të tjera, si një përkujtimore e viktimave shqiptare të tragjedisë së Otrantos, e ndodhur më 28 Mars 1997. Në këtë datë, 24 vite më parë, anija shqiptare “Kateri i Rades” me 120 persona në bord kishte arritur të hynte në ujërat territoriale italiane, por pak pasi i ishte afruar brigjeve të Otrantos në Itali, u përplas me anijen luftarake italiane, “Sibilla”.
Si pasojë e përplasjes u mbytën 84 persona, mes të cilëve 46 gra dhe fëmijë, ndërkohë edhe sot nuk janë gjetur 24 trupa. Anija e tragjedisë u nxor nga deti 6 muaj pas ngjarjes, për t’u vendosur në portin e Brindisit.
