Një ngjarje e rëndë ndodhi të enjten në Kalkidë ku një 54-vjeçar me origjinë shqiptare rrahu brutalisht gruan e tij. Sipas mediave greke, ngjarja ndodhi në katin e dytë të një pallati, në rrugën Gazepi. Ishin fqinjët që dëgjuan zënkat dhe thirrën policinë.
Forcat policore kanë gjetur gruan të shtrirë në dysheme me kokën e plagosur rëndë e rrethuar nga gjaku. Policia ka arrestuar 54-vjeçarin, i cili tentoi të largohej por, pa fat.
Ambulanca dërgoi gruan në spital, ndërsa mësohet se është jashtë rrezikut për jetën. Autori i krimit u arrestua dhe u dërgua në Departamentin e Sigurisë në Kalkidë, ndërsa do të dërgohet në prokurori.
