Kryeministri holandez, Mark Rutte, me anë të një postimi në “Twitter”, ka treguar se ka biseduar në telefon me kryeministrin e Britanisë së Madhe, Boris Johnson, për të folur në lidhje me situatën në Afganistan.
“Gjithashtu sapo telefonova kryeministrin e Mbretërisë së Bashkuar @BorisJohnson për të diskutuar situatën në Afganistan. Ne po punojmë ngushtë së bashku, si nga Haga, Londra dhe në rajon, për të shfrytëzuar çdo mundësi për evakuime të mëtejshme.”- tha Mark Rutte.
Ata ranë dakord për të ringritur selitë diplomatike në Afganistan dhe se njohja e qeverisë së talebanëve do të bëhet vetëm nëse garantohen të drejtat e njeriut në vend.
“Ata dakordësuan që të ringrenë selitë diplomatike në Afganistan sa më parë të jetë e mundur” – thuhet në njoftimin e kryeministrisë britanike.
Një tjetër marrëveshje është bashkëpunimi ndërkombëtar që të parandalojnë një krizë refugjatësh në Europë.
