Franck Kessie refuzoi ofertën e Milanit për zgjatjen e kontratës dhe sipas ‘La Gazzetta dello Sport’, Liverpool, Tottenham dhe PSG janë të interesuar për ta nënshkruar atë si një lojtar i lirë.
Kontrata e Kessie skadon në fund të sezonit dhe drejtorët e Milan kanë qenë në bisedime me agjentin e tij për disa muaj.
Sidoqoftë, sipas ‘La Gazzetta dello Sport’, Kessie hodhi poshtë ofertën e fundit të kontratës së Milanit me vlerë 6.5 milionë euro në vit.
Sipas të njëjtës media ai dëshiron 8 milionë euro në vit plus 2 milionë euro bonus, që është po aq sa PSG do t’i ofronte po të kalonte te ta.
Sidoqoftë, gjigantët e Ligue 1 nuk janë të vetmit të interesuar për të nënshkruar me lojtarin nga Bregu i Fildishtë pasi Liverpool dhe Tottenham gjithashtu kanë treguar interes për 24-vjeçarin.
Kessie shënoi 13 gola në 37 paraqitje me kuqezinjtë e Italisë sezonin e kaluar dhe Milan nuk dëshiron të humbasë një tjetër yll me parametra zero siç ndodhi me Donnarumman dhe Hakan Calhanoglu këtë verë./Gijotina.com
