Trajneri i Kombëtares Edoardo Reja dhe kapiteni Etrit Berisha kanë zhvilluar para ndeshjes me Hungarinë një konferencë për mediat.
Takimi në fjalë do të luhet të dielën në orën 18:00 në stadiumin ‘Elbasan Arena’, ndërsa Kombëtarja jonë vjen nga humbja e kualifikueses së parë të Botërorit ‘Qatar 2022’ me Poloninë me rezultatin 4-1.
Ndërsa ka analizuar atë takim, kapiteni i kuqezinjëve Etrit Berisha është shprehur se duhet reflektuar dhe mësuar nga gabimet.
“Jemi të gjithë të vetëdijshëm për lojën që kemi bërë me Poloninë, kemi bërë gjëra të mira por disa duhet të eliminohet si pësimi i golave. Gjërat e mira duhet ti marrim me vete dhe duhet të mësohemi, duke parë rezultatin negativ duhet të eliminojmë këto gabime.”-tha ai.
Më tej gardiani i portës theksoi se takimi me Hungarinë është mundësia e vetme për të vazhduar ëndrrën e Botërorit.
“Është një ndeshje e rëndësishme me të dy palët, mendoj që ne kemi rast me Hungarinë që nëse fitojmë do të vazhdojmë ëndrrën tonë. Kjo është vendimtare për Poloninë, neve si Kombëtare dhe për Hungarinë.”-vijoi Berisha.
Ndërsa Reja e quajti rezultat të padrejtë humbjen ndaj Polonisë në Varshavë.
Tekniku italian u shpreh se kjo është mundësia për të rikuperuar rezultatin, ndërsa shtoi se pret rezultat të mirë nga grupi kuqezi.
“Kemi një ndeshje për të rikuperuar ndaj Hungarisë pas atij rezultati të padrejtë që patën në Poloni. Pres një ndeshje të mirë nga skuadra, duhet të bëjmë paraqitje siç bëmë në Poloni, sepse nëse shohim rezultatin mendojnë se na kanë masakruar por nuk është ashtu, në vija të përgjithshme skuadra bëri paraqitje të mirë.
Shpresojmë të gjejmë frymën e ekipit. Sa i përket Polonisë pas golit të tretë gjërat u komplikuan, një humbje me Poloninë qëndron, por me Hungarinë duhet të fitojmë se sbën, çdo ndeshje është vendimtare në këtë pikë, jemi akoma në lojë.”-tha Reja./Gijotina.com
