Ditën e sotme po zhvillohet takimi i Ministrave të grupit G20 në Romë, për të diskutuar hapat e ardhshëm në përpjekjen globale për të frenuar pandeminë e koronavirusit.
Takimi dy ditorë i G20 do të përqendrohet në betejën e vazhdueshme kundër Covid-19, si dhe strategjitë për përballimin e pandemive të ardhshme. Ministrat gjithashtu do të diskutojnë alternativa për të përmirësuar mënyrën se si ndahen njohuritë shkencore dhe si të bëhet aksesi i vaksinave më i drejtë.
Qëllimi është për të dhënë një mesazh të fortë bashkëpunimi, solidariteti dhe drejtësie, me besimin e se askush nuk duhet të lihet pas, kanë thënë organizatorët e takimit. Ky është një nga takimet e fundit ministrore të G20 para se udhëheqësit e G20 të takohen në fund të tetorit në Romë.
Takimi do të zhvillohet në tre sesione. Sesioni i parë do të trajtojë ndikimin e Covid-19 në qëllimet e zhvillimit të qëndrueshëm (SDG) të Agjendës 2030. Sesioni i dytë do të japë udhëzime specifike mbi këto ndryshime. Ndërsa sesioni i tretë do të shqyrtojë mjetet që lejojnë të luftohet në mënyrë efektive pandeminë.
