Gjatë një ceremonie zyrtare të zhvilluar ditën e sotme në bulevardin e ri, ku e pranishme ishte edhe ministrja e Shtetit për Marrëdhëniet me Parlamentin, Elisa Spiropali, është vendosur shtatorja e Nënë Terezës.
Bulevardi “blu”, siç ishte emërtuar nga administrata e dikurshme, me vendim të Këshillit Bashkiak ka ndërruar tanimë emrin, duke u quajtur Bulevardi “Nënë Tereza”.
“Ky bulevard do të mbajë emrin e shenjtores në nder të misionit të saj të papërsëritshëm. Dita e Shenjtërimit të Nënë Terezës është kujtesë e fortë për mbarë botën se ç’mësim njerëzor i dha kombeve shqiptarja humaniste”- u shpreh ministrja Spiropali.
