Bukayo Saka është pa diskutim supertalenti i Kombëtares angleze. 20-vjeçari e vuajti shumë humbjen në finalen e ‘Euro 2020’ kundër Italisë, ndërsa u përball me racizëm të theksuar nga tifozët e vendit të tij.
Ndërsa mbrëmjen e djeshme, pikërisht në 20-vjetorin e lindjes së tij lojtari ka shënuar gol për përfaqësuesen në ndeshjen kualifikuese të Botërorit ‘Qatar 2022’ në Wemley.
Pas këtij takimi Saka është shprehur se e ka pasur gjithmonë ëndërr që të luante dhe shënonte datën kur do të bënte 20 vjeç në shtëpinë e tij.
“Ishte dhurata perfekte për datëlindjen time. Jam shumë i lumtur që arritëm të fitojmë dhe unë munda ta festoj datëlindjen time me këtë. Jam i lumtur me pritjen që të gjithë më dhanë. Kjo tregon sesa krenarë janë për mua dhe do të thotë shumë. Ishte ajo çka bëri diferencën për mua.
Edhe tani që po flas dëgjoj tifozët të thërrasin emrin tim. Kjo është ajo që kam ëndërruar, të luaj në ‘Wembley’ përballë familjes time dhe të shënoj në 20 vjetor”.-u shpreh lojtari i Arsenal./Gijotina.com
