Të mërkurën në orën 20:45 Shqipëria do të presë San Marinon në ‘Elbasan Arena’ në ndeshjen e vlefshme për kualifikueset e Botërorit ‘Qatar 2022’.
Ditën e sotme Federata Shqiptare e Futbolli ka publikuar çmimet e biletave për këtë takim, ku bie në sy se më e lira është sa gjysma e atyre që ishin në dispozicion për takimin me Hungarinë, të cilin kuqezinjtë e fituan me rezultatin 1-0, falë golit të Armando Brojës.
San Marino konsiderohet si skuadra më e dobët në grup dhe është mundësia e vetme për përfaqësuesen tonë që të vazhdojë rrugëtimin në Botëror.
Ndërkohë biletat mund të blihen në dyqanin e FSHF-së pranë stadiumit ‘Air Albania’ dhe në Elbasan pranë stadiumit ‘Elbasan Arena’./Gijotina.com
