Qytetarë të ndryshëm në vendet e e Ballkanit po falsifikojnë test PCR për të shkuar në vendet e tjera pa asnjë pengesë. Këtë gjë e ka bërë të ditur gazeta zviceriane “Blick” në një raport të publikuar së fundmi. Sipas gazetës çmimi i një testi të falsifikuar ka shkuar deri në 800 franga.
Sipas mediumit zvicerian, në Shqipëri, Kosovë dhe Maqedoninë e Veriut janë arrestuar, rreth 100 persona, të cilët falsifikonin teste anti-Covid. Gjithashtu, bëhet e ditur se një laborator falsifikimi është “kapur” në Podujevë, ku janë konfiskuar kompjutera dhe materiale të cilët përdoreshin për falsifikim.
Kantoni i Cyrihut në Zvicër ka ndaluar një festival muzikor për shkak se kishte shumë njerëz me teste te rreme PCR, që hynin dhe dilnin nga vendi pa asnjë problem. Ndërkohë që më parë Interpoli paralajmëroi se falsifikimi i këtyre testeve do të bëhej nga kriminelë, të cilët përpiqen që të fitojnë para me anë të tyre.
