Rritja e çmimit të bukës është reflektuar në disa furra në kryeqytet. Nga 80 lekë, një bukë masive kushton 100 lekë. Qytetarët shprehen të revoltuar për këtë pasi nuk do të munden ta sigurojnë atë.
“Çmimi ka ndryshuar me 1 lekë më tepër çmimi i bukës. Sigurisht që ndikon pasi nuk është vetëm buka, 1 lekë është po nga dy bukë në ditë, sa ditë ka muaji, ndërsa të ardhurat nuk kanë ndryshuar”, shprehet një qytetar.
Qytetarët thonë se ka abuzime të dukshme edhe në sasinë e pretenduar të një buke.
“Një kile bukë që thonë këta është 1 kilogramë, nuk është në asnjë mënyrë kjo sasisi në bukët që ne blejmë. Aty mund të jetë 50-70 gramë, por jo më shumë”, – shprehen qytetarët
Tregtarët e miellit thonë se shkak për këtë situatë është mungesa e grurit në tregun vendas dhe atë ndërkombëtar. Sipas tyre kjo situatë mund të ndryshojë vetëm nëse nxitet prodhimi vendas që për këtë vit është reduktuar ndjeshëm në vetëm një muaj.
