Në shoqërinë e sotme, bukuria e një femre zakonisht portretizohet vetëm si një e mundshme. Që nga mediat e deri tek revistat e modës, është krijuar një përçarje midis imagjinares dhe asaj qe mund të jetë reale, përsa i përket imazhit të një femre.
Buzët e trasha, me belin e hollë dhe vithet e bëshme, kanë mbuluar tashmë çdo ekran të mundshëm jo vetëm në televizionet shqiptare, por edhe në ato botërore duke krijuar kështu një bukuri standarde që duhet ta kenë të gjitha vajzat ose gratë. Por kjo nuk është e vërtetë! Nuk ka vetëm një mënyrë për të qenë e bukur.
Tani do thoni ju, po meshkujt ku hyjnë këtu? Ja se aty do dal tani.
Ndoshta nuk është e drejt që të përfshij të gjithë meshkujt në këtë shkrim, por për ata të cilët e shikojnë bukurinë vetëm me forma, duhet të kuptojnë se ekzistojnë shumë prej tyre.
Besoj se e dini tashmë që bukuria është subjektive dhe si e tillë ajo mund të konceptohet në mënyra të ndryshme nga njerëz të ndryshëm. Problemi në të vërtetë qëndron tek perspektiva që vendoset mbi femrën dhe presioni me të cilën duhet të hasen për të qenë vetëm në një mënyrë të caktuar.
Kjo pastaj i bënë femrat të konceptohen vetëm si diçka e cila nuk ka funksion, por vetëm paraqitje. Deri diku si një objekt seksi duke mos i çmuar për personalitetin e tyre.
Meshkujt mendojnë se sensualiteti paraqitet nën formën e një lëkure të butë dhe të nxirë, të depiluar mirë dhe me qerpikë fals.
Megjithatë, të qenët femër është diçka tjetër dhe për t’u pëlqyer meshkujve nuk është e detyrueshme të jesh ashtu siç ata e mendojnë zakonisht.
Është koha që meshkujt të kujtohen për ndryshimin që ekziston mes femrave “seksi” e atyre “të bukura” dhe të kuptojnë se femrat kanë shumë më shumë për të ofruar sesa trupin.
– Seksi është ta shohësh që nga larg; e bukura qëndron te përqafimi dhe te shtrëngimi.
– Seksi është ta perceptosh, e bukur është ta vlerësosh.
– Seksi është sipërfaqësore, e bukur është thellësia shpirtërore.
– Seksi është mënyra se si lëviz, e bukur është mënyra se si flet.
– Seksi është një tërheqje e madhe, i bukur është një karakter i fortë.
– Seksi është rinia, e bukura nuk ka moshë.
– Seksi është konformizmi, e bukura është unike.
– Seksi është për një moment, e bukura është shumë net pa gjumë.
– Seksi është një sms, e bukur është një letër dashurie.
– Seksi është një fasadë, e bukur është një femër.
– Seksi janë format e saj, e bukur është kuraja e saj.
