Gjashtë persona të armatosur me kallshnikovë dhe të futur në dy mjete të ndryshme kanë arritur të grabisin një mjet tip “Audi Q7”. Ngjarja është regjistruar në Lezhë mesditën e sotme.
Mësohet se Meriton Ahmetaj, 27 vjeç nga fshati Korishë i Prizrenit, Kosovë ka qenë duke udhëtuar me fuoristradën e tij, në momentin që është grabitësit e armatosur i kanë zënë pritë. Nën kërcënimin e kallashnikovit, ata e kanë zbritur nga mjeti, kanë marrë “Audi Q 7”-n dhe janë larguar.
Drejtuesi i automjetit ka kujtuar se janë punonjës policie dhe ka ulur shpjetësinë në 60 km/h. Nderkohë që kur ka vënë re se automjeteti me fenolinë policie po i qëndronte prapa, ai ka rritë shpejtësinë deri në 80 km/h për të vazhduar rrugën normalisht.
Në këtë moment njera prej automjeteve e ka parakaluar audin Q7 me të cilen udhetontë shtetasi nga Kosova duke i bllokuar rrugën, nderkohë që automjeti tjetër ka qëndruar prapa.
Personat e armatosur me kallashnikov i kanë bërë thirrje drejtuesit të mjetit të dorezojë automjetin, përndryshe do t’a vrisnin. Drejtuesi i automjetit nuk ka rezistuar dhe u ka dorezuar automjetin grabitësve. Viktima ka denoncuar grabitjen në komisariatin e policisë Laç.
Forca të policisë së këtij komisariati janë vënë në ndjekje të grabitësve, por pa mundur që të kapin apo identifikojnë autorë.
