Një aksident ka ndodhur mesditën e sotme në aksin Elbasan-Peqin, aty ku tre makina janë përplasur me njëra-tjerën, por fatmirësisht nuk ka dëme në njerëz.
Bëhet fjalë për dy mjete tip Benz dhe një Fuoristradë, kjo e fundit e drejtuar nga një shtetas banues në Shkup të Maqedonisë së Veriut.
Si pasojë e aksidentit janë lënduar lehtë katër persona, dy drejtuesit e Benz-ave dhe dy pasagjerë të Fuoristradës.
Njoftimi:
Peqin/ Informacion paraprak
Më datë 06.09.2021, rreth orës 15:30, në aksin rrugor Elbasan-Peqin, në fshatin Bishqem, Peqin, mjeti tip “Benz” me drejtues shtetasin R.M., rreth 30 vjeç, banues në fshatin Shtëpanjë, Cërrik është përplasur me mjetin tip “Benz” me drejtues shtetasin I.V., rreth 40 vjeç, banues në Fier, dhe me mjetin tip ” Foristrad” me drejtues shtetasin A.T., 57 vjeç, banues në Shkup, Maqedonia e Veriut.
Si pasojë e aksidentit janë plagosur dy pasagjerët e mjetit tip “Foristrad” dhe dy drejtuesit e mjeteve tip “Benz”, dhe ndodhen jashtë rrezikut për jetën.
Grupi hetimor ndodhet në vendgjarje dhe po punon për zbardhjen e shkaktut të aksidentit.
