Prania tashmë e virusit famëkeq COVID-19 prej më shumë se dy vitesh në shoqërinë globale ngre përherë e më shumë pikëpyetje lidhur me ndikimin që ajo ka në faza të caktuara të shëndetit jetësor. “Nuk ka asnjë të dhënë shkencore që të vërtetojë faktin që vaksina COVID pengon mundësinë e një shtatzënie”. Kështu ka deklaruar mjekja obstetër-gjinekologe Rubena Mosiu, në një video të shpërndarë nga ministrja e Shëndetësisë Ogerta Manastirliu, e cila nënvizon se nuk duhet të neglizhohet vaksinimin Anti-Covid.
Mjekja Moisiu u bën thirrje grave që duan të arrijnë një shtatzëni, që të bëjnë vaksinën në mënyrë që të jenë më të mbrojtura.
Nga të dhënat e deritanishme, rezulton se në vendin tonë deri janë kryer në total mbi 1.500.000 vaksinime. Pas gushtit, edhe shtatori do të jetë muaj i hapur vaksinimi +18 vjeç dhe kjo ka sjellë sërish thirrjen e kryeministrit Edi Rama që qytetarët dhe sidomos rinia të vaksinohet.
Ndërkohë autoritet shëndetësore kanë vendosur që mjekët, arsimtarët, studentët, punonjësit e administratës, policët, farmacistë e laborantë do të bëjnë vaksinë me detyrim.
Prania që prej muajit gusht të variantit Delta në Shqipëri ka bërë që shifrat e të infektuarve në vend të rritet. Rritja e këtyre shifrave të kombinuara me nisjen e vitit shkollor, kanë sjellë që 3 grupet e para mjekët, arsimtarët dhe studentët të bëjnë me detyrim vaksinë brenda muajt shtator, në të kundërt do të paraqesin në mënyrë periodike një tampon negativ
