Detaje të reja kanë dalë në dritë nga atentati ku mbeti i plagosur, Nikolin Huba.
I shtrirë në krevatin e spitalin, Huba ka treguar se teksa u takua me një shok për të marrë një porosi, ndodhi atentati. Ai thotë se në momentin që hapi bagazhin për të futur diçka e qëlluan dy persona të cilët ishin me skafandër dhe me maska dhe mori dy plumba në këmbë.
Huba ka kërkuar nga uniformat blu që të zbardhet sa më shpejt kjo ngjarje dhe të kapen autorët.
“Po pija kafe me dy shokë në një klub aty afër. Jam takuar me një shok timin kam marrë një porosi të vogël. Sa kam hapur bagazhin më qëlluan. Autorët kanë qenë me skafandër me maska. Tre metra larg meje. Më kanë qëlluar 2 plumba kanë qenë me silenciator. Nuk kam asnjë konflikt. Jam marrë me punët e mia. Jetoj prej 150 vitesh në fshatin Naraq. Kërkoj policisë të zbardhet çështja.’-është shprehur Huba.
Plagosja me dy plumba në këmbë e 54-vjeçari Hubaj ndodhi tre ditë më parë në Shkodër, pikërisht në momentin kur shënjestra po i afrohej mjetit të tij.
Huba prej dy ditësh ndodhet i shtruar në spitalin e traumës në Tiranës, ku po merr mjeki.
Dyshohet se shkak i plagosjes është bërë informacioni që ai i ka dhënë Policisë për kanabisin e mbjellë në zonë, por ai vetë ka shtuar se nuk ka konflikte me asnjë.
