Vihet nën kontroll në orët e para të mëngjesit, vatra e zjarrit në fshatin Pllanë të Lezhës.
Zjarri i nisur ne një stallë bagëtish u zgjerua edhe në faqen e malit aty pranë duke djegur gjithë pishat dhe bimësinë, si dhe duke rrezikuar seriozisht banesat. Kanë qenë forcat zjarrfikëse të Lezhës, Kurbinit dhe Mirditës, te cilat kanë ndërhyrë, dhe në një aksion të pandërprerë kanë mundur të vene nën kontroll flakët e zjarrit.
Aktualisht situata është e qetë dhe nuk ka vatra aktive, kjo sipas shefit të zjarrfikëseve në Lezhë. Ndërsa në terren kanë mbërritur dhe janë angazhuar rreth 50 forca të ushtrisë te cilat po ndërhyjnë ne krehjen e plotë të zonës për te bere të mundur fikjen e trungjeve qe behën shkak për riaktivizim të vatrave.
Aktualisht vijon puna e zjarrfikëseve në bazën ushqimore të bagëtive, pasi për shkak të barit të thatë ende zjarri nuk është fikur aty, megjithatë situata është nën kontroll
