Kryeministri Edi Rama identifikohet me ironitë e tij. Ditën e sotme është ndalur tek negociatat për anëtarësimin në BE, ku ka bërë një paralelizëm me veprën e novelistit Samuel Becket, “Duke pritur Godonë”, duke ironizuar në këtë mënyrë vonesën e procesit.
Rama shkruan se mendon kaq shpesh për këtë kryevepër në ditët e sotme teksa ndjek deklaratat për Shqipërinë dhe Maqedoninë e Veriut.
“Pse mendoj kaq shpesh në ditët e sotme për kryeveprën e Samuel Beckett ndërsa ndjek deklaratat për Shqipërinë dhe Maqedoninë e Veriut? (Çdo ngjashmëri me ngjarje apo persona të vërtetë, të gjallë ose të vdekur, është sigurisht e rastësishme)”, shkruan Rama.
