Deputeti Dashamir Shehi, në një intervistë për mediat, është shprehur se partitë vogla aleate me PD, po mendojnë që të krijojnë grupin e tyre parlamentar.
Sipas tij, arsyeja e ndarjes nga grupi parlamentar i PD, është për të patur më shumë mundësi për të fol në foltoren e parlamentit.
“Ne po mundohemi, ne partitë e vogla. Për çfarë? Për një hapësirë, asgjë më shumë. Gjithmonë ka pasur. Ja pse vlen. Nëse unë rri në grupin e PD-së, vendosem i 55-ti, a ku di unë kur bie radhë për të folur. Ndërkohë që kam drejtë të folur më shumë. Jo kur të më teket mua. Për të pasur më shumë hapësira. Për të kontribuar. Për të mos qenë të gjithë me një zë. Ne po mundohemi. Nuk ia kemi mbërritur deri më tani. Tani kemi parë kafen e parë për herë të parë. Do kalojë java e parë dhe do gjejmë një rrugë të përbashkët. PD duhet të ketë një strategji tjetër. Që t’i përfshijë të gjitha forcat” – u shpreh Dashamir Shehi.
