Një nga ndeshjet më emocionuese të kualifikueseve që luhen mbrëmjen e sotme për Botërorin ‘Qatar 2022’ është ajo midis Polonisë dhe Anglisë.
Të dyja këto Kombëtare renditen të parat në Grupin I dhe ky takim pritet të jetë plot të papritura.
Ndërsa ka folur për mediat përpara sfidës në fjalë, trajneri i Anglisë Gareth Southgate ka shfaqur shumë shqetësim për sa i përket përballjes së lojtarëve të tij me të pacënueshmin Robert Lewandowski.
Tekniku i finalistëve të ‘Euro 2020’ është shprehur se sulmuesi i Bayern Munich duhet të bllokohet me patjetër nga ishullorët, nëse duan të marrin fitore.
“Çdo skuadre do t’i mungonte një lojtar i atij kalibri. Ai është një prej finalizuesve më të mirë të futbollit europian, ai është një prej vrasësve më të mirë, kështu që duhet të përgatitemi për atë që ai i sjell skuadrës. Por, ne e dimë, gjithashtu, se Polonia ka lojtarë të tjerë të fortë.
Po, jemi përgatitur për disa specifika rreth Lewandowskit, por ne duhet të jemi gati për të gjithë skuadrën e Polonisë”.-u shpreh Southgate.
Ndërkohë kujtojmë se deri më tani vendi i parë i Grupit I mbahet nga Anglia me 15 pikë, ndërsa Polonia renditet e dyta me 10 pikë./Gijotina.com
