Ora 20:45 mbrëmjen e sotme është startimi i ndeshjes vendimtare të Kombëtares kuqezi për kualifikueset e Botërorit ‘Qatar 2022’ me San Marinon.
Ndërsa na ndajnë edhe disa orë nga ky takim ende nuk është vendosur formacioni përfundimtar, përveç portës ku Berisha ka vendosur t’i lërë vendin e tij Strakoshës, ndërsa mbrojtja duket e paprekshme me Ismajlin, Gjimshitin dhe Kumbullën.
Pas një ndeshjeje pushim për shkak të numrit të kartonëve do të rikthehet Hysaj, i cili pritet të jetë në të majtë në vend të Trashit që u dëmtua.
Ende nuk dihet nëse autori i golit të vetëm dhe të fitores me Hungarinë, Armando Broja do të luajë që nga minuta e parë e ndeshjes, apo do qëndrojë jashtë.
Formacioni i mundshëm i Shqipërisë për ndeshjen me San Marinon: Strakosha, Ismajli, Gjimshiti, Kumbulla, Doka, Laçi, Bare, Hysaj, Bajrami, Uzuni, Manaj.
Ndërsa kompanitë e basteve kanë vënë edhe kuotat e kësaj ndeshje, ku fitorja e Kombëtares kuqezi është 1.04, ndërsa e San Marinos me 45.15, pasi shihet si një kundërshtar shumë i dobët, bazuar edhe në rezultatet e deri më tanishme.
San Marino renditet i fundit i Grupit I me 0 pikë, ndërsa ne jemi në vend të tretë me 9 pikë, pas Anglisë që kryeson dhe Polonisë që është e dyta./Gijotina.com
