Edhe pak ditë na ndajnë nga rikthimi i ndeshjeve të Kampionatit të Superiores dhe duket se Vllaznia debuton për sezonin e ri në një sfidë shumë interesante.
Të shtunën në orën 13:45 shkodranët ndeshen në transfertë me Laçin, ku do tentojnë të largojnë ‘mallkimin’ që ka 7 vite që i ndjek.
Kuqeblutë kujtojnë fitoren e fundit ndaj bardhezinjve më 23 mars 2014, ku ishin Shtubina dhe Kruja ata që i dhanë fitoren 0-2 Vllaznisë.
Ndërsa takimi i së shtunës pritet me shumë emocion nga tifozët shkodranë, të cilët duan të dinë gjendjen e ekipit të tyre të zemrës pas ndeshjeve evropiane dhe pas merkatos së verës./Gijotina.com
