Ronaldo fenomeni e ka thënë publikisht që është një nga fansat më të zjarrtë të talentit të PSG-së, Kylian Mbappe.
Në një prononcim të dhënë së fundmi për mediat, braziliani ka theksuar se mendon se Mbappe ka të njëjtat cilësi që ka pasur edhe ai vetë në lojë.
Dy herë fituesi i Kupës së Botës shtoi se skuadra më pretendente për të marrë Championsin këtë sezon është pikërisht ajo e francezit.
“Ai ka të njëjtat karakteristika si unë. Ai ka kualitet të jashtëzakonshëm dhe teknikë fantastike. Ai kalon mbrojtësat dhe portierët. Mua më pëlqen Mbappe, unë bëj tifo për të. Është ende herët për të kuptuar se kush do e fitojë Championsin, në çerekfinale do kuptohen se cilat skuadra janë favorite.
PSG është në pole position, por të flasësh është një gjë dhe të luash një gjë tjetër. Unë isha tek Real Madrid për gati 5 sezone me Zidane, Bechkam, Figo e të tjerë dhe unë kurrë nuk fitova një Champions League’’ -u shpreh 44-vjeçari./Gijotina.com
