Ambasadorja e SHBA-së, Yuri Kim ka reaguar lidhur me Raportin e Dhomës Amerikane të Tregtisë për klimën e biznesit në Shqipëri. Kim sheh një lidhje të drejtpërdrejtë mes sundimit të ligjit dhe biznesit, dhe po çaloi njëra nuk mund të jetë efikase tjetra.
Duke shpërndarë raportin e Dhomës Amerikane të Tregtisë për klimën e biznesit, ambasadorja shkuan se Shqipëria duhet të ketë gjykata të pastra, të luftojë korrupsionin dhe të zgjidh njëherë e mirë çështjen e pronave, në të kundërt nuk do të ketë përthithje të investimeve amerikane në vend.
“Ekziston një lidhje e drejtpërdrejtë midis sundimit të ligjit dhe biznesit. Rregullat e qarta (përfshirë zgjidhjen përfundimtare të të drejtave të pronësisë), gjykatat e pastra dhe ndjekja e vazhdueshme e korrupsionit do të tërheqin më shumë investime amerikane dhe do t’i japin më shumë shqiptarëve një goditje të drejtë drejt prosperitetit”, shkruan Kim.
Kjo deklaratë e ambasadores vjen pas raportit të Dhomës Amerikane të Tregtisë ku shkruhej se në raportin për vitin 2020, regjistrohet përsëri një rënie me 0.5 për qind e besimit të biznesit në Shqipëri.
Në studim thuhet se Indeksi i Besimit në vitin 2018 ishte 43.16 për qind, ndërsa tani është 37.6 për qind. Ky është niveli më i ulët i Indeksit të Besimit që nga viti 2012, kur nisi kjo matje e përvitshme e cilësisë së klimës së biznesit nga Dhoma Amerikane e Tregtisë për anëtarët e saj.
Kim fajëson në mënyrë indirekte sistemin gjyqësor në vend, teksa thotë se vetëm gjykatat e pastra sjellin prosperitet, duke pranuar nën zë korrupsionin që ka “pushtuar” gjyqësorin.
