Pas shtrenjtimit të çmimit të miellit e bukës, Autoriteti i Konkurrencës ka nisur inspektimet në terren nëpër furra dhe kompani mielli për të verifikuar informacionet. Sot në të gjithë vendin por kryehen monitorimet dhe më pas do të vendoset nëse do ketë apo jo hetim për kompanitë e miellit dhe furrat.
Prej ditësh furrat po e shesin bukën me çmim deri në 10% më të lartë, ndërkohë që shoqata e Prodhuesve të Bukës deklaron se gjithçka ka ndodhur për shkak të rritjes së çmimit të miellit dhe produkteve të tjera. Ndërkohë që parashikohet se më këto ritme, rritja e çmimit mund të shkojë deri në 20%.
Shtrenjtimi i miellit ka ardhur si pasojë e luhatjeve në bursën ndërkombëtare, pasi është ulur prodhimi i grurit me 20 milionë ton më pak, nga të cilat 15 milionë ton më pak i ka Rusia, vend nga ku edhe furnizohemi.
