Dita e djeshme ka shënuar një ngjarje të rëndë për dy vëllezërit nga Shkodra.
Ata kanë mbetur të plagosur pas një konflikti për çështje pronësie të ndodhur rreth orës 09:15 në Fshatin e Ri, Njësia Administrative Rrethinat.
Pas incidentit të kryer, autori u largua nga vendngjarja, por policia nga kërkimet e shumta që ka bërë ditën e djeshme, ka arritur të kap të dyshuarin e kësaj ngjarjeje.
Falë reagimit në kohë, veprimeve të shpejta dhe profesionale, krehjes së zonës bazuar dhe në informacionet e marra në rrugë operative, u bë e mundur që në orët e para të mëngjesit të sotëm të kapej dhe ndalohej shtetasi Xhevahir Fikaj., 47 vjeç.
Ky shtetas dyshohet si autor i plagosjes me armë zjarri të shtetasit I.G, si dhe i plagosjes me sende të forta të shtetasit L.G (vëllezër) pas një konflikti për motive pronësie.
Materialet i kaluan Prokurorisë pranë Gjykatës së Shkallës së Parë Shkodër, për veprime të mëtejshme.
