Ministri Arben Ahmetaj ka përcjellë një mesazh ngushëllimi për familjet që humbën të dashurit e tyre nga djegia e spitalit Covid në Tetovë.
Në mesazhin e tij, Ahmetaj i uron gjithashtu shërim të shpejtë të lënduarve që kanë mundur të mbijetojnë.
“Ngushëllime të ndjera familjeve që humbën sot tragjikisht njerëzit e dashur në ngjarjen në spitalin e Tetovës ! Lutje për shërim të shpejtë të të lënduarve”, shkruan Ahmetaj.
Deri më tani janë konfirmuar 14 të vdekur nga flakët në spitalin e Tetovës, ndërsa raportohet se ndër viktimat, nuk ka pasur staf mjekësor. Ngjarja e rëndë ndodhi mbrëmjen e djeshme ku si pasojë e një gabimi në ndërtimin e spitalit, pati një shpërthim të fuqishëm duke marrë jetë njerëzit dhe plagosur disa të tjerë.
