Aleanca për Mbrojtjen e Teatrit do të mblidhet ditën e sotme përballë Presidencës dhe kërkojnë modekretimin e Edi Ramës si kryeministër dhe Elva Margaritit si ministre e Kulturës për të cilët kanë depozituar kallëzim në SPAK.
“Edi Rama ka shkelur në mënyrë të vazhdueshme kushtetutën. Me urdhër të tij është miratuar një VKM anti kushtetues. Në nuk mund të pranojmë që të dekretohet një kryeministër që nuk njeh kushtetën dhe ligjin. Ky shtetas në pozicionin e kryeministrit duhet të shkojë përpara drejtësisë. Për t’ua bërë më dije dhe juve, Margariti jo vetëm që ka propozuar VKM për transferimin e Teatrit Kombëtar, por ka propozuar një VKM të re, të transferimit të truallit të teatrit. Ministrja vazhdon të komsumojë vepra penale, që në mënyrë të dukshme është një ministre që ka shkelur në mënyrë flagrante kushtetutën”.
Aleanca nuk ëhstë mjaftuar me kaq por ka kërkuar edhe mosdekretimin e disa ministrave të tjerë.
“Kemi kërkuar dhe mosdekretimin e Mirela Kumbaros. Kemi kërkuar dhe mosdekretimin e Ulsi Manjës, pasi doli në përgjime për vjedhje të votës në zgjedhje. Ne mendojmë se qeveria e re që duhet dekretuar duhet të jetë në respekt të Kushtetutës dhe ligjit”.
Ndërkohë që Sekretari i Përgjithshëm I PS, Damian Gjiknuri, ka dërguar te Presidenti Ilir meta shkresën për dekretimin Edi Ramës si kryeministër të Shqipërisë.
