Cristiano Ronaldo i ka habitur të gjithë me deklaratat që ka bërë së fundmi. Në një intervistë që ka dhënë për Pierce Morgar, portugezi është shprehur se nuk është gjithmonë bukur të jesh i famshëm.
“Është shumë e mërzitshme të jesh “Unë”. Gjithçka është shumë e bukur kur fillon fama, më pas, me kalimin e viteve i sheh gjërat ndryshe. Mund të kesh një të dashur, familje apo fëmijë, pra kërkon pak intimitet, por ajo nuk është më,”-u shpreh ai.
Më tej sulmuesi ka shtuar se nëse do ishte e mundur do paguante që të kishte pak intimitet.
“Po të kisha mundësi do të paguaja për pak intimitet. E di që njerëzit mendojnë se kam para, kam makina e gjëra si këto, por këto nuk janë gjithçka. Më beso, të jesh shumë i famshëm nuk është mirë,” -theksoi ylli i ri i Manchester United.
Portugezi ndihet keq që prej famës nuk mundet as që të shkoj në park me fëmijët dhe kjo gjë atë e mërzit shumë.
“A e dini sa herë kam shkuar në park me fëmijët? Zero. Nëse shkoj atje patjetër vijnë shumë njerëz. Nuk mund të shkojë në lokal me miqtë e mi sepse nuk do të ndihen mirë me mua. Ndihem sikur jam në një kafaz, por është shumë vonë për ta ndryshuar këtë situatë,”-mbylli intervistën e tij CR7./Gijotina.com
