Partia Demokratike e Kosovës pas vrasjes së dy zyrtarëve të këtij subjekti ka bërë të ditur se do t’i pezullojnë për sot të gjitha aktivitetet politike.
Burime nga PDK-ja, bëjnë të ditur se ky rast i ka tronditur rëndë të gjithë dhe se në shenjë nderimi për ta kanë marrë vendim për pezullimin e aktiviteteve.
“Ndarja e papritur dhe tragjike nga jeta e Astrit Ademajt dhe Blerand Kadrijajt na ka tronditur rëndë të gjithëve. Në shenjë nderimi dhe respekti për ta, Partia Demokratike e Kosovës ka vendosur që sot të pezullojë të gjitha aktivitetet e saj politike anembanë vendit”, thuhet në një deklaratë nga PDK-ja.
Ngjarja e rëndë ndodhi mbrëmjen e djeshme, ky dy zyrtarët e PDK-së, Astrit Ademaj dhe Blerand Kadriaj janë konfliktuar dhe kanë vrarë me armë zjarri njëri-tjetrin.
