Një ngjarje e rëndë ka ndodhur në Pukë, ku një punëtor 66-vjeçar ka gjetur vdekjen pasi ra nga lartësia e një banese.
Mësohet se viktima, P.N., 66 vjeç banues në lagjen “Kalaja”, Lezhë, ka qenë duke punuar në çati, kur ra poshtë dhe ndërroi jetë.
Ndërkohë, policia njofton se është proceduar penalisht pronari i banesës, Gj.D., 64 vjeç, banues në lagjen “Skenderbeg”, Lezhë, për “Shkelja e rregullave të mbrojtjes në punë”.
Nuk është hera e parë që në vendin tonë punonjësit e ndërtimit ndërrojnë jetë në mungesë të kushteve jo të mira të punës, ku vetëm disa ditë më parë, 55-vjeçari Pirro Gjini gjeti vdekjen pasi ra nga lartësia e një pallati në ndërtim. Për këtë ngjarje u arrestua administratori i pallatit.
