Një 71-vjeçar është proceduar penalisht në Vlorë, pasi akuzohet se ka ndezur një zjarr në një sipërfaqe bimore. Policia njoftoi se 71-vjeçari me iniciale P.B., dyshohet se ka ndezur zjarr, për djegien e mbeturinave.
Pas ndezjes së zjarrit, flakët kanë dalë jashtë kontrollit, duke shkrumbuar një sipërfaqe me bimë të ndryshme në fshatin Zvërnec.
Zjarret janë aktivizuar sërish në vendin tonë, ku situata më e rënduar paraqitet në Vlorë, pasi flakët favorizohen nga era. Jo pak herë zjarri është afruar pranë banesave, ndërsa javë më parë një çift humbi jetën në Gjirokastër duke u përpjekur të shuanin zjarrin në banesë.
