Është dhënë sot masa e sigurisë për pesë të arrestuarit e tre ditëve më parë, punonjës të dy agjencive turistike dhe të një laboratori, të akuzuar për falsifikim të tamponëve Covid për qytetarë që udhëtonin drejt BE.
Mësohet se, Gjykata e Durrësit ka vendosur të lënë në burg Blerim Maloku, 25 vjeç, punonjës në laboratorin “Medical Care Lami” dhe Artiola Budani, punonjëse në agjencinë turistike “Kristal Travel”.
Ndërkohë është caktuar masa e sigurisë “detyrim paraqitje” për Asllan Divën, 23 vjeç, dhe Albiona Cukën, 24 vjeçe, punonjës në labortaorin “Medical Care Lami”, si dhe për Violeta Begejan, 65 vjeçe, punonjëse në një agjenci udhëtimi.
Bëhet e ditur se në seancë ata nuk e kanë pranuar akuzën duke deklaruar se e kanë marrë mostrën për tamponim. Ndërsa, avokatët kanë kërkuar masa të butë sigurie, pasi nuk mund të largohen jashtë vendit dhe janë në dispozicioni të hetimit.
Policia goditi më 7 shtator dy raste të falsifikimit të tamponëve Covid-19 për të udhëtuar jashtë vendit.
