Jennifer Lawrence është shtatzënë me fëmijën e saj të parë.
Aktorja, fituese e një çmimi Oscar është në pritje të fëmijës së saj të parë me bashkëshortin, Cooke Maroney.
Lajmin e konfirmoi një përfaqësues i aktores për revistën People.
Ylli i “Hunger Games” dhe partneri i saj bënë daljen e parë publike në qershor të 2018-ës. Ata u martuan një vit më vonë në një ceremoni të mbajtur në Rhode Island.
Referuar një interviste të disa kohëve më parë në mediat amerikane, kur e pyetën përse e zgjodhi Cooke për burrin e jetës, Lawrence tha: “Fillova të vlerësoja gjërat bazike. Si ndihem me të? A është ai i këndshëm? A është i lezetshëm? E di që mund të tingëllojë e çuditshme, por ai është njeriu më i mrekullueshëm që kam takuar ndonjëherë. Jam shumë e nderuar të bëhem një Maroney”.
Por me lajmin e fundit tashmë çifti duhet të jetë edhe më i lumtur që një tjetër Maroney do t’i shtohet familjes.
