Zlatan Ibrahimoviç shquhet për karakterin e tij të ftohtë, një person i drejtëpërdrejtë dhe shumë karizmatik. Megjithatë edhe suedezi ka pikat e tij të dobëta që rrallë herë mund t’i shfaq në publik. Së fundmi ish-shoku i tij tek skuadra e Los Anxhelos Galaxy, Eshli Kol ka zbuluar një episode me Zllatanin në dhomat e zhvjeshjes teksa ka folur pa doreza për ish-shokun e tij.
“Ai është njeri me dy personalitete. Me ne shokët e skuadrës ishte i shkëlqyer, shumë i përulur, i qetë por për media ishte perëndi. Ndonjëherë hynte në dhomat e zhveshjes dhe kritikonte ekipin, fliste se si prekja e tyre e topit ishte si m****, apo nuk vraponin dhe ishin të ngadaltë, por më pas në intervista ai ndryshonte.
Një herë ai ngriti duart në ajër drejt meje. Unë i thashë: “uli ato duart … poshtë. Brenda meje mendova se ai mund të kishte ndonjë arsye të zemërohej me mua, por ai nuk duhej të ngrinte duart”, u shpreh Eshli Kol.
