Së fundmi miqtë e aktorit Jack Nicholson kanë zbuluar arsyen përse hoqi dorë nga aktrimi.
Ata kanë treguar për “Radar” se Jack vuan nga demenca dhe aktualisht po kalon ditët e tij të fundit në një vilë në Beverly Hills, California.
“Jack dhe unë kemi qenë miq prej vitesh. Fatkeqësisht, ai nuk del më nga shtëpia. Vajza dhe djali i tij po kujdesen për të ,” u shpreh një nga miqtë.
Filmi i fundit në të cilin Nicholson mori pjesë ishte “How do You Know” një komedi romantike e vitit 2010 me protagonistë aktorët Reese Witherspoon dhe Owen Wilson.
Jack Nicholson ka qenë një interpretues aktiv i Hollivudit nga 1954 deri në 2010.
Nicholson nuk është vetëm një legjendë në sytë e shikuesve, por edhe vetë industrisë. Ai është nominuar 12 herë për çmimin Oscar, duke fituar tri herë.
