Një ngjarje e rëndë ka ndodhur në Maqedoni, ku një 18-vjeçare shtatzënë ka ndërruar jetë pas komplikacioneve me Covid-19.
Sipas Alsat, e reja ishte në muajin e shtatë të shtatzënisë dhe kishte disa sëmundje të tjera bashkëshoqëruese, pasi vuante nga probleme kardiake dhe kishte një sëmundje të rrallë gjenetike.
Drejtori i spitalit në Gjevgjeli, Dimitar Krgjev, tha se e gjithë familja e saj ka qenë pozitive me Covid, ndërsa vajza është shtruar në spital pasi ka qenë në gjendje më të rëndë.
Maqedonia e Veriut dje regjistroi 256 raste të reja, nga 2,778 testimet e bëra për Covid-19, ndërsa 31 pacientë humbën jetën nga virusi vdekjeprurës.
