Pesë persona janë arrestuar në orët e fundit në Tiranë për vepra të ndryshme penale.
Një prej tyre, 32-vjeçari S.M, ndërtoi një rrugë të improvizuar me çakull para servisit të tij të makinave për të mundësuar daljen në aksin kryesor.
Ai ndërhyri te kanali kullues dhe rrezikonte jetën e njerëzve e mjedisit me veprimin e tij.
Nga ana tjetër, është bërë edhe arrestimi i shtetasve G. V., 34-vjeç për plagosje me thikë, A. B., 24 vjeç, pasi gjatë kontrollit fizik të ushtruar iu gjet dhe iu sekuestrua një sasi me lëndë narkotike kanabis dhe F. T., 34 vjeç, pasi për motive të dobëta, ka goditur me sende të forta një person
Arrestimi i fundit ishte i shtetasit A. Ll., 40 vjeç, pasi u kap duke drejtuar mjetin në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
