Vendimi i grupit parlamentar të PD ka qenë grisja e fletëve të votimit kur është votuar për kryetaren e re të Kuvendit, Lindita Nikolla të propozuar nga maxhoranca.
Ndërkohë kreu i PBDNJ, Vangjel Dule edhe pse e mori mandatin në listat e PD ka preferuar të votojë normalisht, ndonëse nuk dihet nëse vota e tij ishte kundër apo pro Nikollës.
Nga ana tjetër Mesila Doda e PDIU dhe Fatmir Mediu i PR kanë vepruar si deputetët demokratë dhe e ka grisur fletën e votimit. Kreu i PDIU, Shpëtim Idrizi nuk ishte në seancë gjatë votimit.
Një veprim ndryshe ka bërë edhe kryetarja e LSI dhe deputetët e kësaj force, ku kanë ndjekur procesin normal të votimit. Ky veprim vjen për shkak të moskoordinimit mes Partisë Demokratike dhe Lëvizjes Socialiste për Integrim se si do të paraqiten në seancën e parë në Kuvendin e Shqipërisë, çfarë do të votojnë apo se si do të veprojnë, ndryshe që në kohën që lanë mandatet dhe i dogjën njëherësh, deri para zgjedhjeve të prillit. Por rezultati i LSI ka qenë zhgënjyes, i cili ka sjell ftohjen mes dy partive, edhe pse janë të dyja në opozitë.
