Është pothuajse e pamundur që rregullat në vendin tonë të zbatohen, teksa përgjegjësit krahë qeverisë “i mbajnë duart në Xhepa”. Edhe pse Shqipëria nga datat 1 shtator, është e detyruar të mbyllet në orën 23:00, si pasojë e vendimit të komitetit teknik për shkak të situatës covid-19, kjo nuk i ka bërë aspak përshtypje qindra të rinjve që kanë ardhur nga vende të ndryshme të Europës me kamper dhe rulot buzë detit Adriatik në fshatin Vilë.
Por ajo çka shfaqet më tepër shqetësuese në këtë “çështje” është padyshim indiferenca totale nga ana e uniformave blu të cilat edhe pse kanë patur në monitorim zonat bregdetare, kanë lejuar që të ketë grumbullime turistësh e vendasish, ku mes tjerash nuk mungon as muzika e lartë çka shkakton dhe shqetësim për banorët e zonës.
Shkelësit e ligjit ruhen edhe nga policia dhe monitorohen prej së largu edhe nga shërbimi zjarrfikës, për të pushuar në Shqipëri që mësa duket për të pasur liri duhet të jesh shtetas i Bashkimit Europian dhe jo shqiptar.
