Ngjarja e ndodhur mbrëmjen e sotme në fshatin Zhupan të Fierit, nuk është e panjohur për policinë.
Para një viti, në shtator të 2020, Elton Meta, u arrestua nga policia, pasi ka shkuar në banesën e vjehrrit të tij dhe ka kanosur me një armë zjarri personat që ndodheshin në banesë dhe ka marrë peng ish-gruan e tij, Sabina Denga. Më pas ka dal dalë nga banesa dhe në portën e oborrit të banesës kërcënonte se do ta vriste atë dhe veten me armën që dispononte.
Pas marrjes së informacionit, policia ka mbërritur në vendin e ngjarjes ku ka negociuar për 5 orë me 31-vjeçarin që të dorëzonte armën automatikë dhe më pas menjëherë është bërë shoqërimi i tij për në polici.
Meta në Gjykatën e Fierit u përball me dy akuza, “Kanosje” dhe “Armëmbajtja pa leje”. Por, para dy muajsh ai u la i lirë, pasi pretendoi se kishte çrregullime mendore.
