Një ngjarje e rëndë ka ndodhur mëngjesin e sotëm në kryeqytet, ku një punëtor ka rënë nga pallati ku po punonte, dhe është dërguar për në spital
Sipas policisë, ngjarja ka ndodhur rreth orës 09:10, në rrugën “Faik Konica”, në një pallat në ndërtim, ku R. D., 50 vjeç, ka rënë, ndërsa është dërguar në spital për ndihmë mjekësore.
Në më pak se një javë në vendin tonë, dy punëtorë ndërruan jetë për shkak të kushteve jo të mira të sigurisë në punë.
Më 7 shtator, Pirro Gjini, 55-vjeç ndërroi jetë pasi ra nga lartësia e një pallati në ndërtim. Ngjarja ndodhi pranë spitalit të Kavajës, në një nga pallatet që po ndërtohen për familjet e dëmtuara nga tërmeti. 55-vjeçari nga Fieri kishte filluar të punonte në katin e pestë të ndërtesës, ku si pasojë e një defekti në vinç, ai ka humbur ekuilibrin duke rënë në tokë, ku ka humbur jetën. Për ngjarjen u arrestua administratori i pallatit.
Ndërsa dy ditë më vonë, një punëtor 66-vjeçar ka gjetur po ashtu vdekjen pasi ra nga lartësia e një banese, në lagjen “Kalaja”, Lezhë, duke punuar në çati. Policia procedoi penalisht pronarin e banesës.
