Kontrollet rutinë në Tiranë kanë vënë në pranga dy të rinj pasi janë kapur me dy granata dore në makinën e tyre. Policia njofton se bëhet fjalë për të arrestuarit e identifikuar me emrat Klement Hysa dhe Florenc Zeqo. Gjithashtu policia jep detaje se granatat u gjetën poshtë sediljes së pasagjerit, ku dhe ishte ulur Klement Hysa, i cili u arrestua për armëmbajtje paleje, ndërsa drejtuesi i mjetit Florenc Zeqo u arrestua për veprën penale “Moskallzim krimi”.
“Shërbimet e Komisariatit të Policisë Nr. 2, në vijim të punës për rritjen e parametrave të sigurisë, si rezultat i kontrolleve të shtuara për kapjen e personave që qarkullojnë me sende të kundraligjshme me vete, bazuar dhe në informacionet e marra në rrugë operative, në vendin e quajtur “Pallati me Shigjeta” kanë ndaluar për kontroll mjetin tip “Volkswagen Golf” me drejtues shtetasin F. Z dhe pasagjer K. H”, deklaron policia.
