Ndërsa ka folur pas ndeshjes me Skënderbeun, të cilën e fituan me rezultatin 4-2, trajneri i Tiranës Orges Shehi është shprehur i kënaqur.
Tekniku ka theksuar se janë deficit për shkak të largimeve të shumta të lojtarëve, pasi sipas tij nëse nuk do kishin një problem të tillë mund të kishin qenë edhe më mirë.
Ai shtoi ndër të tjera se në pjesën e parë të takimit gabuan në vendosje, ndërsa në të dytën në metodën e lojës.
“Tirana është e njëjtë, pavarësisht se ndryshojnë nga fraksioni në fraksion. Në pjesën e parë kishim vështirësi, gabuam në vendosje të goli i pësuar. Në pjesën e dytë gabuam edhe në metodën e lojës. Sa më shumë të shënojmë aq më mirë. Jam i kënaqur.
Jam i kënaqur si në fazën difensivë dhe në atë ofensive. Më vjen mirë që Ngo shënoi dopietë dhe shpresoj të vazhdojë kështu.
Jemi deficit me kontingjentin, për shkak të largimeve në momentet e fundit. Ato na lanë një boshllëk. Mendoj që do të fokusohemi te kontingjenti që kemi. Shpresoj që të arrijnë sa më shpejt Giamfi dhe Danso për t’i kompletuar.”-u shpreh Shehi./Gijotina.com
